Steak en tjips
26 Augustus
Braai
4
Hier is ’n lekker resep vir steak en tjips, soos gesien op Toks en Tjops.
Bestanddele
4 lende-steaks
seesoutvlokkies na smaak
swartpeper na smaak
vars dragon (tarragon)
0.5 suurlemoen gebraai aan die gesnyde kant
200 ml Mayonnaise
6 groot aartappels
2 takkies roosmaryn
50 ml groenteolie
Metode
- Geur die steaks met sout en peper ‘n halfuur voor jy dit gaan braai.
- Meng die mayonnasie en ‘n skeut van die suurlemoensap in ‘n klein bakkie. Kap die dragon fyn en meng by.
- Was die aartappels en sny in wiggies, nie te klein nie. Kap die roosmaryn fyn en meng dit saam met die olie en sout met die aartappels.
- Plaas dit in ‘n Weber-groentemandjie.
- Berei jou braai voor vir indirekte hitte, ongeveer 250°C.
- Plaas die groentemandjie op die rooster en sit die deksel op. Bak die aartappels vir ongeveer ‘n uur of tot dit bros is.
- Verander die braai na direkte hitte. Die rooster moet vuurwarm wees wanneer jy die steaks braai. Verf die steaks met olie en plaas dit op die rooster. Braai 3 tot 4 minute aan beide kante indien jy van jou steaks medium hou.
- Laat die steaks vir 5 minute rus.
- Bedien met die aartappels en dragon-mayonnaise.