Berei ’n direkte vuur voor of stel die gasbraai vir direkte kook. Plaas die Griddle-pan op die rooster en verhit vir 10 minute.

Voeg olie, ui en knoffel by, sit die deksel op en kook vir 4 tot 5 minute tot dit sag is. Roer elke nou en dan. Voeg die komyn, paprika en rissievlokkies by.

Voeg die maalvleis by en kook vir 6 tot 8 minute tot verkleur.

Voeg die tamaties by en geur na smaak. Sit die deksel op en kook vir 6 tot 8 minute tot die sous begin verdik.

Maak die taco-skulpe warm op die rooster vir 30 sekondes per kant.

Skep die maalvleis in die taco-skulpe en skep blaarslaai, tamaties en kaas bo-op. Jy kan ook avokado, suurrom en salsa gebruik indien jy wil.