Steaks gevul met feta en olywe
13 September
Braai
Hier is hoe om dié Toks en Tjops resep self voor te berei.
Bestanddele
4 steaks van 160 g elk lende, kruisskyf of ‘porter house’
150 g fetakaas gekrummel
80 g swart olywe ontpit
2 e vars kruie soos basilie, tiemie en kruisement blare
1 groot suurlemoen sap en skil
2 e olyfolie
4 huisies knoffel gekneus
1 t worcestersous
sout na smaak
swartpeper vars gemaal, na smaak
Metode
- Maak ’n insnyding aan die kant van elke steak.
- Plaas die fetakaas, olywe, kruie, sap en skil van die suurlemoen in ’n voedselverwerker en pols tot fyn. Skep van die vulsel in elk van die steaks. Steek vas met ’n peuselstokkie.
- Meng die olyfolie, knoffelhuisies en worcestersous en giet oor die vleis.
- Braai die vleis oor vinnige kole tot gaar volgens jou keuse. Verf die vleis deurentyd met die marinade terwyl jy braai.
- Geur na smaak met sout en peper.
- Sit voor met baba-aartappels