Vir die hoender:

1. Voorverhit olie oor matige hitte in a groot braaipan (AMC 24 cm Chef's Pan werk uitstekend). Braai hoender aan beide kante tot goudbruin.
2. Verlaag die hitte, voeg tee en lourierblaar by. Plaas ‘n deksel op en prut 15 tot 20 minute of tot net gaar. Skep uit en laat afkoel. (Die pansappe kan gevries word. Gebruik dit dan as aftreksel vir ‘n ander maaltyd). Verwyder die bene en skeur die vleis in kleiner stukkies. Of gebruik enige oorskiet-hoender.

Vir die slaai:

1. Meng mosterd, suurlemoensap, heuning, olie en origanum saam en geur met peper. Gooi ‘n bietjie oor die gaar hoender om die vleis te marineer.
2. Gooi kookwater oor die brokkoli of bone en ertjies. Laat 7 tot 10 minute staan of tot net gaar. Dreineer en herhaal proses met die brokkoli en boontjies indien nodig. Spoel af om af te koel.
3. Pak groente, hoender, komkommer, slaaiblare en appel in ‘n kosblik of op ‘n slaai bord en sit voor met die res van die slaaisous. Skep lepelsvol guacamole by die slaai sodra dit voorgesit word, vir ‘n volledige maaltyd. As die slaai vir ‘n kosblik ingepak word, hou die slaaisous en guacamole apart tot dit geëet word.

Vir die muffins:

1. Voorverhit die oond teen 180 °C en smeer 2 x 24-muffinpanne liggies met olie.
2. Plaas die droë bestanddele in ‘n groot mengbak en roer die tiemie, kaas en mieliepitte by.
3. Meng die olie, eiers en karringmelk saam en roer by die droë mengsel tot dit alles net deurgemeng is, maar moenie die mengsel te veel roer nie.
4. Skep die beslag in die voorbereide panne en strooi sesaamsaadjies oor.
5. Bak 40 minute of tot ‘n toetspen skoon uitkom. Sit as deel van ‘n kosblik voor.
6.  

Die resep word met trots aangebied deur Pharma Dynamics Cooking from the heart, Nulaid, JOYA® Appels enWestfalia Fruit Products.