Bestanddele
Karamelstroop
250 ml witsuiker
60 ml botter
250 ml water
250 ml melk
25 ml vlapoeier
Poffertjies
250 ml koekmeel
25 ml witsuiker
10 ml bakpoeier
250 ml gaar pampoen afgekoel
1 eier geklits
4 ml melk
olie vir diepbraai
Metode
Vir die poffertjies:
- Sif die koekmeel, suiker en bakpoeier saam.
- Meng die pampoen, eier en melk by. Verhit die olie op die stoof.
- Braai eetlepels vol in matige-warm olie tot opgepof en goudbruin.
- Skep uit met ’n gaatjieslepel. Dreineer op kombuispapier en hou dit warm.
Vir die sous:
- Verhit die suiker en botter in ‘n dikboompot oor ‘n lae hitte tot goudbruin.
- Voeg die water, gevolg deur die melk, stadig by tot die karamel gesmelt is.
- Meng die vlapoeier met ‘n klein bietjie koue water en voeg dit by die res van mengsel.
- Verhit die sous en roer deurgaans tot dit verdik is en giet oor die pampoenpoffertjies.