Bestanddele
1 kg Texas-steak
2 sprietuie
1,5 k bruinrys
15 g gemmer
2 k klappermelk
2 k water
1 t sout
100 g babaspinasie
100 g rooikool
200 g babatamaties
20 g boontjiespruite
2 lemmetjies
1 e suiker
1 rooirissie
1 knoffelhuisie
30 ml sojasous
20 ml Tahini
50 ml olyfolie
10 g basiliekruid
120 ml suurroom
Metode
- Berei 'n warm direkte vuur en versprei die kole sodat jy medium tot hoë hitte kry.
- Braai die steak vir 8 tot 10 minute aan elke kant tot gaar (soos jy verkies).
- Verwyder van die rooster en laat rus totdat jy dit sny.
- Voeg die rys, klappermelk en water saam in 'n pot. Voeg gemmer by en laat kook.
- Kook op medium hitte, roer by tye vir 15 minute totdat die rys gekook is. As dit gereed is, roer die rys met 'n vurk en sit die deksel op om te stoom. Moenie dreineer nie.
- Vir die slaaisous, voeg die rissie, knoffel, lemmetjieskil en -sap, soja, Tahini, suurroom en die olyfolie saam in 'n bak.
- Klits saam totdat die sous deurgemeng is. Voeg die geskeurde basilie by.
- Voeg die res van die slaaibestanddele in die bak. Roer saam totdat al die kool en blare bedek is.
Gesondheidswenk:
1. Om die vetinhoud van hierdie resep effektief te verminder gebruik laevet klappermelk om die rys te kook – dit sal dieselfde smaak hê, maar met minder vet – en gebruik gewone jogurt eerder as suurroom vir die slaaisous. Die pikante slaai is 'n fantastiese bron van 'n verskeidenheid voedingstowwe.