Artisjok met hollandaise-sous
29 Augustus
4 Porsies
4
Sjef Suzanne Crozier het tydens Die GROOT Ontbyt heerlike artisjok met hollandaise-sous voorgesit. Hier is haar resep.
Bestanddele
2 groen peperkorrels
10 ml vars suurlemoensap
2 eiergele
150 g botter
sout
peper
artisjokke
Metode
- Klits eiers, suurlemoensap en peperkorrels oor borrelende kookwater tot effe dkker.
- Voeg botter blokkie vir blokkie by. Klits goed na elke byvoeging en maak seker botter is gesmelt voor die volgende een bygevoeg word.
- Pasop dat die sous nie te warm word nie.
- Sny punte van artisjokke af en stoom gaar vir sowat 30 tot 45 minute of tot sag.
- Bedien artisjokke met sous. Eet slegs die hart van die artitjok.