Oigen het as skoolseun in Bredasdorp saam met sy ma by ‘n spyseniering-maatskappy begin werk. Dit is hier waar sy liefde vir kos ontwikkel het. Na matriek het hy by Asara Wynlandgoed en Hotel buite Stellenbosch begin werk en deeltyds by The Private Hotel School in ‘n drie-jaar Sjef en Hotelbestuur kursus voltooi. Oigen het as sjef in Mauritius gewerk, tot die pandemie hom gedwing het om na Suid-Afrika terug te keer. Hy het in September 2020 by Bertus aangesluit as chef de parti in Eike Restaurant, waar hy die koue-kombuis en gebak behartig.