Mielie-en-kaas-bierbrood
29 Augustus
4 Porsies
Gebak
3
Sjef Maritha Steyn het tydens ’n uitsending van Die GROOT Ontbyt gewys hoe om vinnig 'n mielie-en-kaas-bierbrood voor te berei.
Bestanddele
Bierbrood:
500 ml bruismeel
5 ml sout
1/2 k mieliepitte
1 blikkie bier
15 ml grasuite
100 g kaas
100 g botter
Konfyt:
500 g spek
3 rooi uie
3 huisies knoffel
60 ml balsamiese asyn
60 ml rooiwyn-asyn
200 ml bruinsuiker
500 ml rooiwyn
5 ml sout
15 ml Worcester-sous
Metode
Vir die bierbrood:
- Voorverhit oond teen 180 °C.
- Meng droë bestanddele saam en voeg mieliepitte, grasuie, kaas en bier by. Meng goed.
- Plaas in 'n gesmeerde broodpan. Giet 'n bietjie botter oor die ongebakte brood.
- Bak vir sowat een uur – afhangende van die grootte van jou pan.
Vir die konfyt:
- Kap die spek fyn en voeg in 'n groot pot oor hoë hitte.
- Voeg uie by en braai tot deurskynend.
- Voeg knoffel, balsamiese asyn en rooiwyn-asyn by en roer.
- Meng suiker, rooiwyn, en sout by. Bring tot kookpunt en roer totdat suiker oplos.
- Laat die mengsel prut vir sowat 35 tot 40 minute totdat 'n dik stroop vorm.
- Voeg nou die Worcester-sous by en kook vir 'n verdere drie tot vyf minute
- Laat afkoel en plaas in gesteriliseerde botteltjies. Stoor in yskas.