Bestanddele
Vir die aartapels
1kg klein aartappels, driekwart gekook en gehalveer
15 - 20 knoffelhuisies, in kwarte gesny
16 - 20 swart olywe, ontpit en gehalveer
olyfolie
skil van 1 groot suurlemoen, in repe gesny
2 eetlepels pietersielie, gekap
seesout
grofgemaalde swartpeper
Vir die sauce vierge
3 tamaties, saadjies en vloeistof verwyder, dan gekap
2 salotte, gekap
2 eetlepels kappertjiesaad, gekap
1 eetlepel dille
1 eetlepel grasuie
2 eetlepels pietersielie
200ml olyfolie
knippie rissiepoeier
1 eetlepel wit rosyne, gekap
sap van 1 suurlemoen
seesout
grofgemaalde swartpeper
Vir die vis
2kg kabeljou, skelvis of klipvis, skubbe verwyder, in 3 - 4cm snye gesny
4 eetlepels botter
seesout
grofgemaalde swartpeper
15 - 20 jong vars spinasieblare
Metode
Vir die aartapels:
Verhit 6 eetlepels olyfolie in ’n swaarboompot oor medium hitte.
Voeg knoffel by en kook tot sag, ongeveer 6 minute.
Verhoog hitte en voeg suurlemoenskil en aartappels by en kook tot aartappels begin goudbruin raak.
Verminder hitte en voeg olywe by, kook vir 2 minute.
Verwyder van hitte, geur met sout en peper, garneer met pietersielie.
Vir die sauce vierge:
Meng al die bestanddele saam in ’n mengbak.
Geur met sout en peper na gelang van smaak.
Vir die vis:
Geur vis liggies met sout en peper aan beide kante.
Smelt botter in ’n pan oor medium hitte.
Braai vis vir 3 - 4 minute aan beide kante.
Verwyder van hitte en laat rus vir 2 minute.
Plaas spinasieblare op bodem van opdienbord, plaas vis bo-op, bedek met Sauce Vierge en bedien.