Soetpatat-tjips
03 September
Vegetaries
4
Dié heerlike soetpatat-gereg is tydens ’n episode van Slank 3 voorberei.
Bestanddele
3 groot soetpatats
olyfolie om te bedrup
4 e klapperolie of avokado-olie om mee te braai
Italiaanse kruie
knoffelsout
Metode
- Voorverhit die oond teen 190 °C.
- Was die soetpatats en sny dit in die helfte. Pak dit uit op ’n gesmeerde bakplaat en bedruip met olyfolie (snykante na onder).
- Bak vir 25 tot 30 minute.
- Koel effens af en verwyder die skil. Laat toe dat daar ’n lagie van die patat-vesel saam geskil word.
- Verhit die helfte van die avokado-olie in ’n pan op medium hitte. Braai die skille, gesnyde kant na onder, vir een tot twee minute. Draai om en braai vir nog een minuut.
- Skep uit op handoekpapier en bestrooi met sout en kruie.