Bestanddele
500 ml koekmeel
1 e gis
3 ml sout
2 e suiker
2 e olie
250 - 300 ml water
Metode
- Verseker dat die water ’n lou temperatuur het.
- Sif meel deeglik en voeg ’n knippie sout by.
- In ’n aparte bak, voeg die twee eetlepels suiker, gis, twee eetlepels olie en 50 ml water bymekaar. Roer mengsel deeglik. Laat die mengsel rus vir ongeveer vyf minute.
- Meng die nat en droë beslae bymekaar.
- Voeg helfde van die oorblywende water by mengsel (ongeveer 125 ml).
- Meng en knie mengsel totdat deeg behoorlik gevorm is.
- Wanneer die deeg egalig en sonder klonte is, kan die volgende stappe plaasvind.
- Strooi meel oor jou werksoppervlakte, om vasklouery te voorkom.
- Verdeel die deeg in twee stukke en vorm ’n langwerpige vorm met die deeg.
- Sny die deeg in vier eweredige gedeeltes.
- Plaas die gedeeltes op die rooster.
- Draai elke roosterkoek ongeveer elke minuut om, om te voorkom dat dit brand.
- Om te verseker dat die roosterkoek gebak is, tik met ’n mes op die roosterkoek. Dit sal ’n krakerige klank afgee.
- Bedien roosterkoek met jou gekose garnering (vanaf sjokoladesmeer, stroop, ens.)