Katika kipindi cha wiki iliyopita cha Huba kwenye Maisha Magic Bongo, tulishuhudia tukio la kusikitisha la kifo cha Angel, mtoto pekee wa Kibibi na Chidi. Angel alifariki katika ajali ya gari wakati akiwa na mama yake, Kibibi, ambaye alikuwa akiendesha gari baada ya kumchukua kutoka kwenye matembezi na baba yake, Chidi. Huku familia ikiomboleza, kumekuwa na hisia kwamba huenda ajali hiyo haikuwa bahati mbaya bali ilipangwa na adui wa Kibibi.
Abby
Mtuhumiwa wa kwanza ni Abby, mume wa Nelly. Abby na Kibibi wanahusishwa na biashara chafu, na inaonekana kuwa ana chuki na Kibibi. Uhasama wao umefikia kiwango ambapo Abby anaweza kuwa alihusika katika kupanga ajali hiyo.
Tesa
Mtuhumiwa wa pili ni Tesa, mama yake Devi. Devi ni mume wa zamani wa Kibibi na Tesa hakuwahi kumkubali Kibibi. Chuki yake dhidi ya Kibibi imeongezeka zaidi baada ya Kibibi kumdhalilisha na kumlazimisha kufanya kazi kama mfanyakazi wa ndani. Pia, ilijulikana kuwa Tesa hakupenda kuwa karibu na Angel na hakutaka kuwa na jukumu lolote juu yake.
Fabrizio na Monica
Watuhumiwa wa tatu ni Fabrizio na Monica. Wote wawili wanafanya kazi kwa Kibibi na hivi karibuni walianza uhusiano ambao Kibibi haukuupitisha. Monica, kwa upande wake, alitoa dalili kuwa huenda alihusika katika kifo cha Angel.
Jibu litapatikana kwa kuangalia Huba kila Jumatatu hadi Ijumaa saa 3 usiku kwenye DStv chaneli 160, Maisha Magic Bongo.