Agter die Silwerkerm: Onderhoud met Lothar Böttcher – Silwerskermfees 2022

Henk is ’n ervare sielkundige, maar ná die verlies van sy vrou, Nicolene, is hy magteloos om homself te help. Hy kan ook nie deurdring tot sy seun, Renier, nie wat sy pyn agter woede en ontkenning verberg. Tydens Nicolene se begrafnis bieg Henk dat hy destyds die matriek-Wiskundevraestel aan die ganse Barberton uitgelek het. ’n Ondersoek volg en die hele klas van 1990 moet die eksamen herskryf of hul matrieksertifikaat verloor. Henk vra Renier om hom te tutor, maar dit sukkel. En sy ou klasmaats is woedend oor die moeilikheid wat hy veroorsaak het. Dinge ruk hand uit en bring Henk voor ’n onmoontlike keuse te staan. #Silwerskermfees

Die kunstenaar Johan van der Merwe het drie vroue letterlik en figuurlik vasgevang – elk in haar eie geraamde skildery. Hulle kan nie na die buitewêreld terugkeer nie. Die vroue hang netjies langs mekaar teen die galerymuur, maar wanneer hulle in die wêreld agter die muur, buite die raam, te voorskyn kom, bevind hulle hulself in ’n alternatiewe dimensie. Om te ontsnap lyk onmoontlik totdat ’n skildery van ’n meisie met ’n pêreloorbel nuwe lig op hul situasie werp. #Silwerskermfees

Gys se lewe is ’n gemors, en hy bevind hom in ’n besonder donker hoekie. Sy baas, Roelf, moet sorg vir en skoonmaak agter ’n hondjie wat hy uitdruklik nie wou hê nie. Nou dwing hy vir Gys om sy vuil werk te doen en vir Buksie te laat uitsit. Dis óf sy werk óf die woef. Maar hoe kry enige iemand dit oor sy hart om ’n onskuldige brakkie wat niks makeer nie, uit die lewe te help? Gys moet ’n plan maak. #Silwerskermfees

Sit Zelda agter die besoedeling van die Swartmarlyne se swembad? Of is dit Henry se skuld? Gaan Rossouw saam met Pam werk? En, wat beplan Ria en Sanet?