Bestanddele
700 g preie, gekap
80 g botter
250 ml crème fraîche
skil van ½ suurlemoen, gerasper
4 kabeljou – of stokvis filette
2 e grasuie, gekap
seesout
grof gemaalde swartpeper
Vir die sous:
40 g botter
2 e crème fraîche
1 e mosterd
Metode
Smelt 80 g botter in ’n pot oor medium hitte, voeg preie by en braai tot sag, ongeveer 15 - 20 minute.
Voeg suurlemoenskil en crème fraîche by, hou warm op lae hitte.
Smelt 2 eetlepels botter in ’n pan en braai vis, vel na onder, tot goudbruin, ongeveer 3 minute, draai om en braai vir 2 minute.
Smelt 40 g botter en voeg crème fraîche en mosterd by, meng deeglik.
Plaas preie en vis op bord, bedrup vis met sous, garneer met grasuie, sout en peper, bedien met vars heelgraan brood.