Spinasie-en-mielie-bakkies
18 Julie
12 Bakkies
Gebak
3
Koskonsultant Heleen Meyer het tydens ’n episode van Die GROOT Ontbyt heerlike spinasie-en-mielie-bakkies voorberei. Dié gereg is ideaal vir die kosblik.
Bestanddele
410 g geroomde suikermielies
4 eiers
3 groot spinasieblare
100 ml koekmeel
15 ml olyf- of avokado-olie
5 ml paprika
1,2 ml sout
suurlemoensap
swartpeper
Metode
- Voorverhit die oond teen 180 °C en smeer ‘n muffinpan liggies met olie.
- Meng al die bestanddele in ‘n groot bak saam tot goed gemeng. Geur na smaak met suurlemoensap en peper.
- Skep mengsel in muffinpan en sprinkel ekstra paprika oor. Bak 20 minute of tot gestol en gaar. Skep uit die pan en laat afkoel.
Wenk:
- Geniet die bakkies warm of teen kamertemperatuur.
- Strooi sesamsaad oor voor dit gebak word.
- Hierdie resep is ook lekker vir ‘n ontbyt-idee.
Groot Borg: Pharma Dynamics Cooking from the heart Groot Borg: ClemenGold Klein Borg: Cecilia's Farm