Bestanddele
250 ml bruinrys
2.5 ml sout
10 ml olyf- of avokado-olie
4 extra groot eiers
15 ml water
2 tamaties
1/2 komkommer
125 ml heelpitmielies
1 wortel
30 ml Italiaanse pietersielie
15 ml kruisement
Slaaisous
45 ml olyf- of avokado-olie
30 ml wit druiwe-asyn
swartpeper
10 ml suurlemoensap
Metode
- Plaas rys en sout in 'n klein kastrol en bedek met water. Bring tot kookpunt oor matige hitte en prut vir 30 tot 40 minute of tot gaar. Dreineer, spoel af en laat afkoel. Of gebruik 250 ml gaar rys vir die slaai.
- Verhit olie in 'n klein braaipan. Klits 1 eier op 'n slag met 15 ml water en skink eier in die pan om 'n een-eier-omelet te maak en braai dit soos ‘n pannekoek. Laat stol en keer uit.
- Rol die omelette op en sny in repies. Laat afkoel en roer met die res van die bestanddele by die rys.
- Slaaisous: Meng al die bestanddele saam.
- Sit slaai voor met die slaaisous of skink van die slaaisous oor die slaai en verpak porsies in aparte kosblik-bakkies.
Wenk: Gebruik tuna of gaar bruin lensies in plaas van die eier, indien verkies.
Die resep word met trots geborg deur Pharma Dynamics Cooking from the heart, Nulaid, GLAD en ATKV.