Genoeg vir 6

Wat jy benodig:

• hout of kole vir braai
• 30 ml olyfolie
• 1 ui, fyngekap
• 2 knoffelhuisies, fyngekap
• 2 cm-stuk vars gemmer, geskil en fyngerasper
• 125 ml witwyn
• 125 g-houer basiliekruidpesto
• 500 ml room
• sout en varsgemaalde swartpeper
• 1 kg swartmossels, skoongemaak
• brood vir voorsit

Hoe jy dit doen:

Kry kole rooiwarm. (Jy kan die mossels op die stoof gaarmaak as jy wil.) Verhit ’n platboomgietysterpot sowat 10 cm bo kole. Giet olyfolie in en voeg ui, knoffel en gemmer by. Roerbraai 2 minute. Voeg wyn by en kook tot wyn met helfte verminder. Voeg pesto en room by en meng goed. Bring tot kookpunt. Geur sous goed met sout en peper. Voeg mossels by sous en sit pot se deksel op. Laat kook 8-10 minute of tot mosseldoppe oopgaan. Sit voor met brood van jou keuse – ons het snye brood met botter gesmeer en in ’n toeklaprooster oor die kole gerooster.

Kyk die video hier bo om te sien presies hoe Herman dié resep voorberei!