fliekNET gaan, soos nou al tradisie is, ’n allegaartjie van treffers, bekroonde flieks en ook ’n paar klassieke ouer rolprente wys.
Die beste kortfilms en dokumentêre wat by die Silwerskermfees te sien was, is ook op die spyskaart. ’n Móét is ’n Gids vir Louzanne, oor die Paralimpiese medaljewenner Louzanne Coetzee, asook twee van die dokumentêre wat mense vanjaar by die Silwerskermfees aan die gons gehad het nie – Maak stil die geblaf en Tussen die draad en die dropper.
Kortfilms wat vanjaar by die Silwerskermfees gedebuteer het en op jou moetkyklys hoort, is Marie se laaste dag, Noise & Neighbours en Baas se honne.
Jy is my liefling, Die geheim van Nantes en Hoor my lied is van die klassieke flieks op die program, en dan is daar nog ’n rits uitstekende speelfilms soos Hans steek die Rubicon oor, Die ongelooflike avonture van Hanna Hoekom, Dominee Tienie, Meerkat Maantuig en Barakat, wat vir ure se vermaak hierdie vakansietyd gaan sorg.
fliekNET is van 13 Desember 2024 tot 12 Januarie 2025 op DStv-kanaal 149. Die uitsaaitye is van 12:00 tot 00:00. Dit is dus twaalf ure se daaglikse fliekgenot – alles op een plek.
Kry die springmielies gereed – fliekNET is terug in Desember!
Nuus
27 November 2024kykNET se gewilde opwipkanaal fliekNET maak vanjaar nogmaals op 13 Desember sy tuisbioskoop se deure oop, en fliekvlooie gaan weer op van die beste Afrikaanse speelfilms, kortfilms en dokumentêre trakteer word.