My suster het met my eks man getrou…

Wetenskap wys ons telkens die voordele van liefde gee en ontvang. Om deel te wees van 'n gesonde sosiale verhouding, nie noodwendig 'n romantiese verhouding nie, het 'n blywende uitwerking op ons gesondheid.

Pearl S. Buck het gesê: “…to love is a proof of life — indeed, it’s the only proof, for once you can’t love another human being, you’re not alive…”.

‘n Mens moet kyk na die omstandighede waarin jou sib liefde gevind het in jou eks. Skop jy teen hul verhouding om selfsugtige redes? Het jy die skeiding in jou verhouding met jou eks veroorsaak? Is jou eks ‘n goeie mens? Verskeie aspekte moet in ag geneem word.

Daar is geen regte of verkeerde antwoord nie. Jy moet self besluit of jy hulle verhouding kan aanvaar of nie.

Wanneer kan jy bankrotskap indien?

As jy groot skuld het wat jy nie kan terugbetaal nie, kan jou antwoord dalk net wees om bankrotskap in te dien.

Bankrotskap kan in sommige gevalle jou skuld verminder of heeltemal elimineer, maar dit hou ook ernstige nagevolge in, wat jou kanse kan belemmer om in die toekoms ‘n lening uit te neem, jou versekeringstariewe opstoot en dit self moeilik maak om ‘n werk te kry.

Die indiening van bankrotskap behels dat jy die hof versoek om jou boedel oor te gee tot voordeel van jou skuldeisers. Hierdie proses staan ook bekend as vrywillige sekwestrasie.

Die hof sal hierdie proses slegs goedkeur as daar bepaal word dat dit in die beste belang van jou skuldeisers is. In hierdie praktyk beteken dit dat jou skuldeisers 'n minimum bedrag van tien sent per rand sal ontvang van wat jy hulle skuld, sodra jou bates uitgedeel is.

In Suid-Afrika moet jy die volgende stappe neem om bankrotskap in te dien:

• Volgens die Insolvensiewet van Suid-Afrika, moet jy bankrot wees voor jy bankrotskap kan indien. Dit beteken dat jy nie jou onkoste kan dek nie, jou laste oorskry jou bates
• Doen aansoek om vrywillige sekwestrasie by die hooggeregshof en in 'n beëdigde verklaring verduidelik jy jou huidige finansiële situasie en wat daartoe gelei het ('n prokureur kan u help om hierdie stappe uit te voer)
• Stel jou skuldeisers in kennis dat jy vrywillige sekwestrasie ingedien het
• Sodra jy 'n insolvensie-eis ingedien het, sal 'n assessor jou bates beoordeel, insluitend fisiese bates, bankrekeninge en enige geld wat jou verskuldig is
• As die totale waarde van jou bates nie die minimum tien present, van wat jy aan jou skuldeisers skuld, kan terug betaal nie, sal die aansoek van die hand gewys word

Hoe maak ek oop teenoor ‘n sielkundige?

Jy weet jy kan jou sielkundige vertrou, maar dit beteken nie dat dit maklik is om met hulle te praat nie.

As jy deur ‘n moeilike tyd in jou lewe gaan, is dit net natuurlik om ongemaklik te voel om weerloos te wees met iemand wie jy nie ken nie. Maar om 'n verhouding met jou sielkundige te bou, kan ongelooflik waardevol wees vir jou genesingsproses.

Hier is ‘n paar stappe om die proses makliker te maak en te verseker dat jy die beste uit jou sessies met jou sielkundige kry:

1. Skryf jou gedagtes neer
   Skryf neer wat jy in jou sessie wil bespreek, dit help om jou gedagtes bymekaar te hou en te verseker dat jy gefokus bly
2. Laat jou sielkundige jou en die gesprek lei
   Jou sielkundige se werk is om jou te help op jou pad na genesing. Laat hulle jou lei deur die proses deur die gesprek te beheer
3. Begin klein en stadig
   Begin deur kleiner kwessies eers aan te pak, kwessies wat jy makliker kan bespreek in jou sessies. Dit laat jou toe om op jou eie tyd gemaklik te raak met jou sielkundige, voordat julle die groter kwessies begin bespreek
4. Hou jou verwagtinge realisties
   'n Konstruktiewe terapiesessie help jou om ‘n positiewe geestesgesondheid te ontwikkel, sodat jy 'n gelukkige lewe kan lei. Moenie probeer om meer of minder ‘gebroke’ voor te kom nie, jy belemmer slegs jou eie genesingsproses
5. Wees voorbereid
   Maak seker dat jy gefokus bly in jou sessies. Besluit vooraf waaroor jy in jou sessie wil gesels en watter vrae jy wil vra
6. Wees eerlik
   Moenie emosies, gesprekke of oomblikke wegsteek van jou sielkundige nie, hulle is daar om jou te help

Hoekom kan hy nie ‘nee’ vat vir ‘n antwoord nie?

Lauren Leonhardt het ‘n ope brief geskryf, op die webblad PuckerMob, aan alle mans wat nie ‘nee’ kan aanvaar as ‘n antwoord nie.

Sy skryf: “Vandat ons kinders was, is ons geleer dat volharding, ambisie en vasberadenheid bewonderenswaardige eienskappe is. Dit beteken om nooit moed op te gee nie. Werk so hard as wat jy kan, en jy kan jou drome waar maak. Dit is die soort persoon wat ons moet streef om te wees: iemand wat altyd die perke verskuif, iemand wat nie nee vir 'n antwoord sal neem nie”.

Hierdie eienskappe kan in sommige aspekte van ons lewens nuttig wees, maar nie in ‘n romantiese verhouding nie. Ons samelewing maak grappies oor verkragting en is vinniger om 'n vermeende verkragter te verdedig as om die kant van die beskuldiger te beskou. Ons leef in 'n kultuur wat leer: 'Moenie verkrag word nie', in plaas van 'Moenie verkrag nie' en 'n mentaliteit skep waarin 'n slagoffer van seksuele aanranding nooit kan wen nie.

Die ergste deel van volharding is wanneer hy sy nederlaag besef, maar weier om dit te aanvaar en steeds 'n dame onder ongewenste aandag onderwerp. Wanneer ‘n dame NEE sê, bedoel sy NEE. Jy is nie geregtig op ‘n dame se liggaam of geselskap nie. Daar is geen nut daarin om aan te hou as 'n dame nie jou aanbod vir 'n afspraak wil aanvaar nie.

Hoe verwerk jy die dood van jou kind?

As iemand op 'n ouer ouderdom sterf, troos mense hulself nie net om hul lewens te vier nie, maar ook met die wete dat die dood deel is van die natuurlike lewensproses. Hierdie ervaring is nie dieselfde as jy voor die skielike dood van jou kind te staan kom nie.

Vir ouers wat 'n kind verloor het, maak dit nie sin dat hul lewe op so 'n jong ouderdom eindig nie - veral nie as die dood skielik en sonder waarskuwing kom nie. Die verlies sny so diep dat dit jou kan versmoor. As jy met hierdie soort verlies in jou familie te make het, is hier 'n paar wenke om jou en jou familie te help om vertroosting te vind.

• Staan saam
  Staan saam as ‘n familie en steun op mekaar vir hulp. Alhoewel almal in die gesin hul privaat tyd sal moet geniet, kan julle mekaar ook vertroos
• Kry professionele hulp
  Aangesien almal verskillend treur, kan jou huwelik en verhoudings met oorlewende kinders swaar trek as gevolg van die verlies van 'n kind. Gesinsterapie kan jou en jou familie lei om deur hierdie geweldig moeilike verlies te kom
• Aanvaar dat jy hulp benodig
  Wees gewillig om hulp te aanvaar van familie en vriende. Hulle kan help met jou daaglikse take, om die kinders op te pas, maar meer belangrik – om net te luister!
• Berei voor vir die stilte
  Na die begrafnis verby is en familie en vriende nie meer so gereeld kom inloer nie, is dit die stilte wat jou vang. Moenie dat hierdie stilte jou lewe oorneem nie, bly in kontak met jou familie en vriende
• Sluit aan by ‘n ondersteuningsgroep
  Dit bied die geleentheid om kontak te maak met mense wat deur dieselfde genesingsproses gaan as jy, asook ‘n veilige plek om met mense wat ‘verstaan' te deel wat jy dink en hoe jy voel

Skakel elke Woensdag om 20:00 in vir Afgrond en gesels saam op sosiale media deur die hutsmerk #Afgrond te gebruik.

Jy kan ook nou kykNET stroom op Showmax.