Bestanddele
1 groot salot, fyngekap
1 knoffelhuisie, fyngekap
2 eiergele
400ml room
4 eetlepels botter
50ml witwyn
20 - 24 gaar garnale, doppe verwyder
400g tagliatelle, gekook
4 eetlepels Parmesan, gerasper
2 eetlepels heel kerwelblare of pietersielie
grofgemaalde swartpeper
olyfolie
Metode
Klits eiergele en room saam, hou eenkant.
Braai twee eetlepels botter, salot en knoffel saam tot sag.
Voeg garnale en twee eetlepels botter by en verhit vir een minuut.
Voeg roommengsel by en bring tot net voor kookpunt.
Voeg pasta by en verhit tot room verdik en geabsorbeer word deur pasta, roer stadig maar aanhoudend.
Verwyder van hitte en voeg Parmesan by, meng deeglik.
Voeg kerwel by en meng.
Skep in vier opdienborde en rasper skil van lemmetjie bo-op.
Garneer met grofgemaalde swartpeper.
Bedrup met olyfolie en bedien.