እስከዳር መታፈሪያ ስሟን በክብር እና ምርጥ ስራ ስታስጠራ ኖራለች፥ ነገር ግን ይህ በጥንቃቄ የተመሰረተው ህይወት ከጀርባው ብዙ ምስጢር ደብቋል። ባለፈው ሳምንት ክፍሎች እስከዳር በድሮው ህይወቷ ተሰናብታው የነበረውን ፣ የአሁን ማንነቷ ላይ ትልቅ ተፅኖ ያለው ከድሮ ፍቅረኛዋ ከአብዮት ጋር ተገናኝታለች።

አብዮት፣ እስከዳር ልጁን ይዛ ከጠፋች በኋላ ስለኖረው ህይወት ምንም ባይታወቅም፣ ወደ ሽቱ ቤት የገባው ስካር እና ቁጭት ይዞ ነው። ይህ ባህሪው ያልገባቸው የሽቱ ልጆች የቻሉትን በማድረግ ሊረዱት ይሞክራሉ። ከእነሱም መሀል የቀረበችው እንቆጳ፣ እስከዳር ትታት የጠፋቻት የአብዮት ልጅ ነች። እናም ይህን ሚስጥር የማያውቁት አባት እና ልጅ እየተቀራረቡ ይሄዳሉ። በዚህ መሃል የቤተሰቡን ሀዘን የተረዳው አብዮት የእስከዳርን ማንነት ሳያውቅ ሊያገኛት ይወስናል። አብዮት፣ እስከዳር፣ ወንድም እና ጓደኛውን ዋሴን ለኦፓል ብላ እንደገደለችው ይረዳል እናም ከንዴት የተነሳ ሊገላት ይሞክራል።

እስከዳር ከአብዮት ማምለጥ ብትችልም የድሮ ፍቅረኛዋ መመለስ እና የሰራችው ክህደት መታወቁ ትልቅ ድንጋጤ ውስጥ ከቶ እንድትታመም ያደርጋታል። ይሄን ጭንቀት ለመቋቋም ስትሞክር በመከራ ጨረታውን ያቋረጠችበት አሌክስ ኦፓል ለበቀል ይነሳል። በተጨማሪም አብዮትን እውነቱን የነገረው ታምራት ነው ብላ በማመኗ ተጎድታለች።

ይህ ብቻ ግን አይደለም! የእስከዳር የመከራ ሌሊት ላይ ሌላ መከራ የሚጨምር ክስተት ተፈጥሯል። ዳግም ሲያማክራት የነበረውን የስነ-ልቦና ባለሞያ ስለ እስከዳር ወንጀል እውነቱን ነግሯታል።

እስከዳር ይሄን መከራ ማለፍ ትችል ይሆን? ወይስ እውነቱ ተጋልጦ ለፍርድ ትቆማለች? ይሄን ልብ አንጠልጣይ ድራማ በአፋፍ ድራማ ዘወትር ከሰኞ - አርብ ከምሽቱ 2፡00 በአቦል ቲቪ፣ ዲኤስቲቪ ቻናል 465 ይከታተሉ!

በ #MyDStv አፕ አሁን አገልግሎቱን ያስቀጥሉ፡ https://tinyurl.com/yc8p3xvd